【活動回顧】環境及自然保育基金資助 食享沙田 —— 街市回收體驗．食物有愛
2025年10月15日
本週一，沙田學院嘅同學參加咗喺大圍街市進行嘅「食物回收體驗活動」。在回收員指導下，同學們親身走入街市，收集過剩蔬菜，推住沉重嘅手推車，將食物送到沙田婦女會大圍地區服務中心。經過篩選同分配，新鮮蔬菜最終送到長者同基層家庭手中。大家投入十足，落力又有愛！
當日成功回收咗高達 365 公斤食物！如果冇回收隊每星期五晚堅持收集，呢啲食物就會被丟去堆填區，既浪費資源，又令有需要嘅街坊無法受惠。同學分享：「原來環保收菜唔止係環保，仲好有意義！」「無諗過咁多長者會嚟攞菜，好感動！」
每一次行動，都能減少浪費、滋養社區，令受惠者身心都得益。如果你都想參與下一次活動，就快啲讚好我哋專頁，密切留意最新公告啦！